Logo

एक दिवसीय क्रिकेट: दोस्रो खेलमा नेपाल विजयी

३० कात्तिक ०७९,काठमाडौं । नेपाल भ्रमणमा रहेको यूएई नेपालसँग तीन विकेटले पराजित भएको छ । यसअघि पहिलो एक दिवसीय क्रिकेटमा नेपाल यूएईसँग ८४ रनले पराजित भएको थियो ।

बुधबार त्रिवि मैदानमा भएको खेलमा यूएईले दिएको एक सय ९२ रनको लक्ष्य नेपालले ४७ दशमलव पाँच ओभरमा सात विकेटको क्षतिमा एक सय ९३ रन ल्यायो । नेपालका लागि गुलशन झाले ३७ र कुशल भुर्तेलले ३५ रनको पारी खेले । यूएईको बलर रोहन मुस्ताफाले तीन विकेट लिँदै २४ रन खर्चे ।

टस जितेर पहिले ब्याटिङ गरेको यूएई ४३ ओभरमै अलआउट भएको थियो । यूएईका लागि एम वसिमले ५० र ए सरफुले ३५ रन बनाएका थिए । नेपालका सोमपाल कामी र ललित राजवंशीले समान तीन–तीन विकेट लिएका थिए ।

प्रतिक्रिया दिनुहोस्