Logo

चुनावको मुखमा सडकमा उत्रिए काठमाडौंका सुकुम्बासी

१ मंसिर ०७९, काठमाडौं । बागमती नदी किनारमा अवैध घरटहरा बनाएका सुकुम्बासीले आन्दोलन थालेका छन्। अधिकार सम्पन्न बागमती सभ्यता एकीकृत विकास समितिले १० दिनभित्र बस्ती खाली गर्न सूचना निकालेपछि सुकुम्बासीहरु चुनावको मुखमा सडकमा उत्रिएका हुन्। मंगलबार समितिको कार्यालय घेराउ गरेका सुकुम्बासीले बिहीबार काठमाडौंको सडकमै उत्रिएर आन्दोलन गरेका हुन्। विभिन्न २३ संस्थाको संयुक्त आयोजनामा सुकुम्बासीको आन्दोलन सुरु भएको हो।
सुकुम्बासीले बागमती नदी किनारमा बस्न पाउनुपर्ने माग गरेका छन्। उनीहरुले त्यहीअनुसार बिहीबार माइतीघर मण्डलामा विरोध प्रदर्शन गरेका हुन्। सरकारले बागमती नदी करिडोर क्षेत्रका घरटहरा भत्काउने अल्टिमेटम दिएपछि सुकुम्बासीले आन्दोलन थालेका छन्।

प्रतिक्रिया दिनुहोस्