Logo

ठेचो सडकमा ठेकेदारले खाल्टो बनाएर छोड्दा यात्रुलाई सास्ती


ललितपुर खबर
१५ मंसिर ०७९, ललितपुर । ललितपुरको ठेचो चापागाँउ सडकमा नवजानुका जेभिले कालो पत्रका लागि खाल्टो खनेर छोड्दा यस रुट भएर गुड्ने गाडीका यात्रुलाई सास्ती भएको छ ।
चार दिनअघि खाल्टा खुल्टी बनेको बीच सडकमा माटो निकालेर छोड्दा गाडी गुड्न अप्ठ्यारो परेको हो । यो रुट भएरु दैनिक गुड्ने हजारौं गाडी सडकमा खनेको खाल्टोको कारण जाम हुने गरेको हो । यही रुटमा टाटा मोवाइल चलाउने चालक रमेश घिमिरेले ठेचो सडकमा खाल्टा बनाएकाले यात्रा गर्न सास्ती भएको बताए । उनले भने,‘बीच सडकमा खाल्टा छ । खाल्टोबाट जाँदा गाडी फस्छ । रोकौं सडह साँघुरो छ । जाम हुन्छ ।’
नवजानुका जेभिका प्रोपाइटर लेखनाथ अधिकारीले यो रुटमा निरन्तर गाडी गुड्ने भएकाले काम गर्न नसक्दा समस्या आएको बताए । उनले भने, रातभर गाडी गुड्छन् । कामै गर्न पाइएन । त्यसैले खाल्टा पुर्न पाइएन ।
प्रोपाइटर न्यौपानेले दुई दिन गाडी रोकिदिए आफूले काम सक्ने बताए । भने, हामी राम्रो काम गर्ने भएकाले माटो निकालेर ग्राइभेल राखेर पेल्न खोजेका हौं । माथि माथि अलकत्रा छरेर कालोपत्र गरेको भए । काम एकै दिनमा सकिन्थ्यो ।
यो रुटमा रातभर लेले टिकाभैरव क्षेत्रका टिपर गुड्ने हुँदा ठेकेदार कम्पनीकालई समयमै काम पुरा गर्न समस्या छ ।
यो रुट भएर लेले महादेव खोलाको ढुंगा खानीबाट सिमेन्ट कारखानाका लागि ढुंगा बोक्ने गाडी चल्छन् । रातभर टिपरको ताँती गुड्ने हुँदा चापागाँउ ठेचो र सुनाकोठीका स्तानीय बासिन्दा टिपरको आवाजले सुत्न नपाएको गुनासो गर्दै आएका छन् ।
क्षमता भन्दा धेरै ढुंगा र रोडा बोक्ने टिपरले यो रुटको कालोपत्र ६ महिनामै भत्केको थियो ।दुई वर्षअघि गरिएको कालोपत्र अहिले खाल्टै खाल्टा बनेको छ ।

प्रतिक्रिया दिनुहोस्