Logo

ठेकेदारले पुर्यो ठेचो सडकको खाल्टा खुल्टी


ललितपुर खबर
१७ मंसिर ०७९, ललितपुर । सडक कालोपत्रे गर्ने भन्दै ललितपुर ठेचो सडकमा खाल्टो खनेर अलपत्र छोडेको ठेकेदार कम्पनी नवजानुका जेभीले खाल्टो पुरेको छ ।
ललितपुर खबरले सडकमा खाल्टो खनेर छोड्दा यात्रुलाई सास्ती भएको समाचार प्रकाशन गरेको भोलिपल्टै शुक्रबार ठेकेदार कम्पनीले खाल्टो पुरेको हो ।
हप्ता दिनअघि नवजानुका जेभि सडकमा ग्राइभेल राख्ने भन्दै खाल्टो बनाएको थियो । सडकमा एकातिर खाल्टो बनाउने र अर्कोतर्फ ग्राइभेल थुपार्दा साधुरो सडकमा जाम हुने र खाल्टोमा गाडी पस्दा दुर्घटना हुने खतरा थियो ।
यस सडक हुदै रातभर सयौं टिपर गुड्ने हुँदा कालोपत्र गरेको ६ महिनामै कालोपत्र भत्केको थियो । कालोपत्र भत्कदा पानी पर्दा हिलाम्मे र घाम लाग्दा धुलाम्मे हुँदा दक्षिण ललितपुरका यात्रुले सास्ती पाइरहेका छन् ।

प्रतिक्रिया दिनुहोस्