Logo

श्रीमतीलाई बन्चरो प्रहार गरी फरार श्रीमान मृत भेटिए

नुवाकोट २७ पुस ।  नुवाकोटमा एक पुरुषले श्रीमतीमाथि बन्चरो प्रहार गरेका छन् । बन्चरो प्रहार गरी भागेका श्रीमान मृत अवस्थामा भेटिएका छन् । ककनी गाउँपालिका–२ चित्रेस्थित ३९ वर्षीय काले भन्ने माइला तामाङको शव मंगलबार फेला परेको हो। वडा नम्बर १ नयाँ बस्तीस्थित चाउथे जाने भित्री सडकमा उनको शव फेला परेको जिल्ला प्रहरी कार्यालयले जनाएको छ ।

सोमबार दिउँसो साढे ३ बजे तामाङले आफ्नी ३५ वर्षीया श्रीमती निरमाया तामाङसँग झगडा गरेका थिए। उनीहरूबीच घरायसी विवादका कारण झगडा भएको थियो।

त्यही क्रममा बञ्चरोले निरमायाको टाउकोमा प्रहार गरी भागेका थिए। घाइते भएकी निरमायाको काठमाडौंस्थित टिचिङ अस्पतालमा उपचार भइरहेको छ। फरार भएका माइला तामाङको प्रहरीले खोजी गरिरहेको थियो। त्यहीक्रममा मंगलबार उनको शव फेला परेको हो ।

प्रतिक्रिया दिनुहोस्