Logo

आइसियुमा विरामीसँग भिडियो खिचेपछि स्वास्थ्य राज्यमन्त्री डा. तोसिमाको आलोचना


काठमाडौं
११ माघ । राजधानीको बानेश्वर सडकमा शरिरमा आगो लगाएर आत्म दाह गरेका प्रेमप्रसाद अधिकारीलाई भेट्ने क्रममा स्वास्थ्य राज्यमन्त्री डाक्टर तोसिमा कार्कीले भिडियो खिचेको सार्वजनिक भएपछि उनको आलोचना भएको छ ।
पेशाले डाक्टर समेत रहेकी डाक्टर कार्कीले आइसियुजस्तो संवेदनशिल ठाँउमा विरामीसँग भिडियो खिच्न नहुने भन्दै सामाजिक सञ्जालमा आयोचना भएको हो ।
आत्मदाह गरेका अधिकारीसँग आफू अस्पतालमा भेट्न आएको र आत्मदाह गर्न नहुने भन्दै सम्झाएको संवादमा सुन्न सकिन्छ ।
अधिकारीले आत्म दाह गर्नुअघि स्वास्थ्य राज्यमन्त्री कार्कीलाई समेत सम्बोधन गरेर लेखेका थिए । मन्त्री कार्की आत्म दाह गरेको खबरपछि मंगलबार नै अस्पताल पुगेकी थिइन् ।
केही दिनअघि एक अस्पतामा रिवन काटेदै गरेको तस्विर सार्वजनिक भएपछि मन्त्री कार्कीको आयोचना भएको थियो । मन्त्रीको पद बहालीको क्रममा आफूभन्दा सिनियर मन्त्रीले गरेको निर्णयमा हस्ताक्षर गर्न अघि सरेको भन्दै संचारमाध्यमहरुमा समाचार प्रकाशन भएको थियो ।
राष्ट्रिय स्वतन्त्र पार्टीबाट ललितपुर ३ बाट संघीय संसदको टिकट पाएकी डाक्टर कार्कीले उर्जामन्त्री पम्फा भुसाललाई भारी मतले पराजित गरेकी थिइन् ।

प्रतिक्रिया दिनुहोस्